Chhurbura roh em em; Nahaia'n neihsak phet a tum!

Newsletter – August


Rawngbawlpui duhtak thiante,leh chhung leh khat te u.Tlai ngai lo Pathian leh “Manna” hmanga afate chawm thin,Kan Lalpa hmingin chibai ka buk a che u.Rawngbawlna chanchin leh keima mimal chanchin te han hrilh leh che u ka duh a.Sawi tur hi a tam thin kawp mai a,mahse,a tlangpui chauh kan sawi mai a nge.Heng ka sawi tur zawng zawng hi Ama hming ropui nan vek ni se.!

Tun thla kal ta,Aug chunga Lalpana Rinawmna min hmuh tir thenkhat te in hnenah Pathian ropui nan kan sawi tel ka duh a

” MANNA ” hmangin :

In hriat theuh angin,thlahnih dawn ka SBI ATM card China ah hian ka hmangthei ta lo va [ China Indian awm zawng zawng SBI ATM card hmang chuan kan hmangtehi lo vek..! ] Hei hi ka pawisa dawn ve na ber a ni.Thla hnih dawn a hman theih tak siloah chuan,a buaithlak duh khawp mai.Aizawl lam kan phone a,theihtawp chhuah in a that leh thuai nan,hma an la a.Mahse,tun thlengin a la tha ta chuang lo va.Engnge a chhan ber pawh kan la hre ta chuang lo.

Tun thawhtanni [ Aug.20 ] kal ta khan China pawisa in 30 rmb chiah ka nei tawh a.Engtin tak chuan tunthla chu awm dawn i maw,ka ti rilru a,rilru a buai duh khawp mai.Chuan thawhtanni chawhnu lam chuan,a tawp nan,ATM card chu a hman theih tawh mial takin tiin,Bank ah chuan ka va kal leh ta a.A kal hma chuan ka tawngtai mawlh mawlh a.Lalpa tunah hian a la that loh chuan,ka tan chuan chawnghei a ni tawh mai ka ti a.

ATM machine ka thlen hma lok chuan thu alo thleng a ,Israel fate,Lalpan ” manna “ hmanga a chawm thu kha.Sande sikul a kan zir ka hre reng thin, ” Manna “ awmzia chu – “Engnge maw ni le !” tihna a ni.Israel fate khan “Manna” an chhar khan an dahkhawl thei lova,naktuk atan engmah a dah that theih lo.Nitinin,a tla chawp zelin an chhar thin a nih kha.

Tichuan, ka ATM card chu a theihtawh ngei beisei tak chung chuan ka va try leh ta a…A la theih ta chuang loh..vawihnih vawi thum ka ti nawn a,a pangngai reng..! Ka thin hi a rim tum a,Lalpa hnenah chuan ka vui hman lek lek a ni.

In lam panin rilru tawt tum chung leh engtinnge 30 rmb chuan ka nun ang ti ngaituah reng chung chuan ka haw a.Ka hawn kawngah chuan,helai Kunming a ” Fo-re-ner-“ ho chawlhni tina kan inkhawmna thin a,Pa-si-tawr,American pa chu ka tawk ta hlawl mai a.A ni chuan, ” John,Ngatinge Sunday khan i lo in khawm loh..ka hmu miah lo che a,biak che ka duh a “ a ti a.Chutia ka inkhawm leh khawm lo a hria chu mak ka ti ang reng a.A ni chuan,ka kut chu ala, ” Lalpan malsawm che a duh a….” a tia, 300 RMB chu min rawn pe ta mai a….Lalpan’a ” MANA “ hmangin min chawm leh ta ,LALPA chu fakin awm rawh se…!!! Ka hnuk te a ulh a, chutia min pek hnu chuan,ka harsatna tawh mek te chu ka hrilh ta a..Amah pawh chu a alawm a,chutia mi mamawh ngawih ngawih laia malsawmna ni thei chu.

Pa-si-tawr- chuan Fiamthuin a tia,” John,Pathian aw ka la hre dik e..” A dik chiah a ni,engngemaw chang chuan,keimahni Rinna nasat vang ai mah hian,Miten Pathian aw an lo hriatna zar te hi kan lo zo ve chauh a lo ni thin .Pathian inpuan dan hi a mak thin teh e..! Kan mamawh te mintum sak na kawng hi a van lo ngah em ! Mihringte chu kan beidawng thin a,ka mangan thin a chhan pakhat chu,Kan duhdan or kan tum dan in Pathian hi hnathawhtir / inpuantir kan tum thin vang a ni.

MANA ringa nun chu mangan mai te,lungngaih mai te a awl thin.A chhan chu,naktuk ami tur dahkhawl a,chhar lawk theih a nih loh avangin.Nimahse, dahkhawl/ chhar lawk theih ani loh avang khan, naktuk a mi tur ” Manna” a awm lo tihna a ni reng reng lo..!! Chu Van Manna chu i dawn chuan,A hming awmzia ang chiah hi a ni- maktiin,lawm siin, ” Lalpa, hei hi Engnge maw ni le…” tih mai loh chu sawi tur a vang thin khawp mai.Kan rin lawk loh leh kan beisei loh dan in kan Lalpa hi a in puang fo thin.Nitina a, A Van Manna hmanga min chawmtu LALPA chu fakin awm mawlh rawh se..!


Rawngbawlna chanchin thenkhat :

Aug thlatir lam khan,ni 4 chhung,thingtlangah ” Medical check up” kan nei a.Kunming lamah team lokal buaipui tur ka nei avangin ka kal ve hman ta lo va.Ka thawhpuite pahnih in,heng Medical team,Malaysia leh Singapore atranga lokal te hi an zuk hruai a.Damlo mi 50 chuang an en thei a.Chung zinga chungkaw tam zawkte chuan,an in a leng tur te an sawm a,tichuan,heng doctor te hian,zanlamah heng chhung kaw thenkhat hnenah hian.Lal Isu chauh chu damna famkim a nih zia te an hrilh bawk a.Heng chhungkua ho hi an in hawng hle a.Thlahthlam lova kan chhut zui zel ang ngai ang.

Heng hi alawm Dr.[u] Janet Helamah pawh Doctor kan mamawh ka tih fo thin chu..:D

Ringthar Training :

Kan pawl Y-in a Thla 5 chhung Chinese ringthar te tana Pathianthu lama Training an buatsaih ah ,ka Chinese thian ringthar pahnih te chuan an zawm ve thei ta a.He Training hi a thlawn ani lova,cheng tam tam sen ngai a ni.Heng ka ringthar te Lalpan an Trainingna tur sum leh pai a tum sak dan te pawh hi sawi a chakawm khawp mai.Remchangah ka la rawn ziak a nge.

## Thlatina ka newsletter thawn chhuah thin,tlem siamrem in kan post ve leh a ni.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s