Chhurbura roh em em; Nahaia'n neihsak phet a tum!

[ I Chungah Engtia Ka Tih Nge I Duh ? ]


Isua rawngbawlna miten an ngaihvena,an ngaihhlut lai hun a ni a.Mi tam tak a tidam a,a chanchin chu hmuntin-ah athang a.Judai leh a chhehvel khuaah chuan amah la hmu miah lo te pawn an hria a.A kalna apiangah mi tam tak in an zui luai luai reng a.Tunlai tawng takin,heti hunlai hian Lal Isua hi ‘a lar bon top’.A chhungte, a hmelhriat nihte,a thian nihte a nuam ngawt ang le.A zirtirte nih phei chu !

Tin, Jeriko khua an lo thleng a, tin, Isua Jeriko atang chuan a zirtirhote leh mipui tam tak nen a chhuah laiin kutdawt mitdel, Timaia fapa Bartimaia chu kawng sirah a lo thu a. Tin, Nazaret Isua a ni tih a hriat veleh, “Isu, Davida Fapa, mi khawngaih rawh,” tiin a au ta a. Tin, mi tam takin ngawi turin an hau va; nimahsela ani chuan, “Davida Fapa, mi khawngaih rawh,” tiin a au zual sauh va. Tin, Isua a ding a, “Amah chu han ko teh u,” a ti a. Tin, mitdel chu an ko va, a hnenah chuan, “Thlamuang takin awm la, tho rawh; a ko va che,” an ti a. Tin, ani chuan a puan a paih a, a zuang tho va, Isua hnenah a kal a. Tin, Isuan amah chu a lo bia a, “I chungah engtia ka tih nge i duh?,” a ti a. Tin, mitdel chuan a hnenah, “Rabboni, hmuh theih ka duh,” a ti a. Tin, Isuan a hnenah, “Kal tawh rawh, i rinna hi i dampui a ni e,” a ti a. Tichuan a hmu thei ta nghal a, kalkawngah chuan Isua a zui ta a. [Marka 10;46-52 ]

He chang a trang hian zirtur tam tak a awm thei awm e.

Bartimai a hian a dinhmun/anihna a hre chiang :

Avan pawimawh em kan nihna/dinhmun hriat chian hi.Bartimai a chuan,mitdet kutdawh,mi tawmkai lo a ni tih a inhria.Amah leh amah a inti dam theilo tih a in hrechiang hle.Lal Isua min tidam turte,min tanpui turte a kan beisei naah hian,kan nihna/dinhmun hre chiang thlap in kan dawr thin em?Keimah niah behchhan ve tur leh chhuanve tur kan la neih chhung hi chuan kan Lalpa hi a in puang mai thin lo.Keimahni a ‘zawng zawng ‘kha a duh thlat avangin.Bartimai a ang a,mahni pawh in ti dam zo tawh lo,dinhmun atrang a Lalpa kan dawr hian a in puang thin.


Mibel Batimaia hi a Koh/auh-ah a chiang/aRing:

Avan pawimawh em,kan auh,kan koh,kan beisei a chian hi.Mitdel Bartimaia chuan,Lal Isua chu mit ngei in la hmu lo mahse,a chanchin a lo hriat atrangin tidamtheitu a ni tih a ring tawp mai a ni.Tam tak chuan,kan koh/kan beisei ah hian kan Rinna kan nghat pumhlum thin lo,kan koh- a kan hriat chhian tawk loh vang pawh ani thei ang chu.


Hmani deuh khan ka nau chu damdawi eisual avangin a pum ana thut a,thi ina luak a,nikhua pawh hre mumal lovin a awm a.Chung leh khat,thenawm te an lo tlan khawm a,an mangang tlang hle mai a,an tawngtai ta a.Kan kawmthlang nu chuan heti hian fiamthu angreng,lawmawm deuh mai a sawi a,” I nau kha a na angreng sia,kan mangang bawk sia,I pain a tawngtai khan a chham muang bawk sia,I nau kha a thi hman mai ang tih ka hlau lutuk a…”a ti a.A sawi leh pakhat chu,” Keima tawngtai lai ngei pawh khan,I nau kha engnge a an tiin,vawi thumlai ka meng hman…” a tia.Phone atranga a rawn sawi chuan kan nui nasa mai maw le!

Kan kawmthlangnu leh Bartimai a chu an in ang lo kher mai.Kan kawmthlangnu chuan,ama tawngtai ngei pawh a ring zolova,a hun tawn mek manganna in a tibuai a,a tichiai a,a koh a kha tunge anih a theihnghilh a.A koh/a auh ah khan a rinna a ngat zolo!Kan kawmthlangnu dinhmun ang ah hian ka van ding ngun em..! Kan mangangna,harsatna te hi kan Rin Pathian thiltheihna ai hian kan hmulian in kan dah lian zawk fo thin. [Kan kawmthlangnu rinna ka sawisel lam nilovin,tehkhin nan a remchang em a ka sawi mai ani e.Ka nau chuti taka a lo buaipui chu ka lawm zawk..]


Lal Isua min tanpui a,min hnema,min khaichhuaka,mi tidam tur a kan beisei changte hian Amah,kan Koh-a ah hian kan rinna kan ngat tlat thin em le?


Bartimaia chuan,a harsatna tawh mek,a piansualna,a khaw eng hmuh theihlohna te chuan Lal Isua a beiseina tih der thawn aiin,Lal Isua a panna/a duhna au chhuahpui nan a hmang ta zawk a.Chutia a duhna an ‘au’ chhuah pui pawh chuan,miin an lo khap,ngawi turin an ti.


Khatih hunlai a milar,mina an zui luai luai,an ngaihsan kha,Ani mitdel kutdawh khan a lo au ve a nih chu.Ngawi mai mai tur a khap awm tak pawh a ni ti ru!Mitdel kutdawh mai ani si a.


Nimahse,chung miten ngawi tura an khapna chu ngaipawimawh duh lovin,tidamtu amamawhna chu a ‘len/nasat'[desperate] em avangin,Bartimaia chu a ngawi duh lo.Ahma aiia ring in,”Davida fapa min khawngaih rawh” tiin a au zual sauh va.A koh hian atidam thei tih a chiang em a ni.


Chutah le,engnge kan hmuh, tumana an ngaihsak loh,mite endawng,tawmkailo,a damna tur a au ve pawh khap sak mitdel mai pawh nilo,kutdawh lehnghal chuan,A hunlai a,milar,thusawithiam,tihdamtheihna nei,tunlai tawngin sawi taila,an ‘Icon”,a kalna apianga an zui luai luai, Lei leh van Lalber chu, a ko ding ta..A van Ropui em! A ko ding mai nilovin,a nate a tihdam sak a sin!Mihausa leh sakhaw mite,mitvar zawkte pawhin a an hmuh theih loh,tidamtu Lal Isua chu,hmaichhan-ah a hmu ta!Avan ropui em!


Bartimai-a pawh kha min ngawi tura antih khan ngawi maise chuan,amit avar lova nga,hmaihma-ah Isua kha a hmu miah lo vang le.Lal Isua kan duhna,keimahniah atharin inpuang tur a kan duhnate,kan rawngbawlna-ah athara rawn che tura a kan duhna, kan ‘au’ chhuahpui thin hian,‘ngawi’ tura min khaptu tam tak a awm thin.Nimahse,chumi hunah chuan ngawi mailovin,Isua kan duhna chu, Bartimai-a ang hian kan au zual sauh tur a ni.Kan ngawihmai chuan Setana’n hnehna a chang mai dawn si a.


Kan Lal Isua hi mirethei leh,hausa te angkhat vek a en a,hmangaihtu,misual kan tih mintena an hmuhsit,society atranga an hnawhchuah,drug addict,Ks te leh pasitawr,misawnari te ang khat vek a hmangaihtu.Nihna leh dinhmun avanga mite endan hrang ngailo,retheite,drug addict,kutdawh te koh din theih Lal Isua a ni si a!


Keini rawngbawltu/ringtu tam tak te hi,Lal Isua din hmun ah hian ding taila ka ding ngut na maw chu,mitdel kutdawh auh/koh mai mai ah..?Kawng sir leh lama hel tu ang ,puithiam kha kan ni mai lo vang maw..?


Rawngbawlna-ah pawh hian,Tling leh thiam, fel, zei, thei nia inhriate Lalpan a hmang ber lova.Tlinglo nia inhria,inngaitlawm taka Amah au thintute,hlau leh khur chunga an chhandamna thawhchhuahpui thinte Lalpan a hmang thin.


I chungah engtia ka tih nge I duh?:

Mitdel Bartimai-a chuan a mamawhna zawnah Lal Isua a auva,Isuan a chhang ta a,a duh a hmu ta.Keini hian eng zawnah nge Lal Isua kan auh/koh ve le?Kan rawngbawlna field ah te,kan hnathawhna hmun ah te,kan mimal nunah te,kan sum leh pai dinhmunah te,nupui pasal kan zawnna kawng ah te,kan chhungkua-ah te athara chet/inpuan a duh a.” I chungah engtia ka tih nge I duh” tiin min zawt a nih hi.

Amen.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s