Chhurbura roh em em; Nahaia'n neihsak phet a tum!

[ Nung turin kan thi ]


Mihringte hi thi turin kan lo piang an ti thin.La thi tur vek kan ni tih hi hre reng mahila,chu thih na chuan kan chungah,kan chhungteah,kan thianteah ro an rel meuh chuan hriatthiam a har thin a.Hun lo kan ti a,awm lo kan ti thin. Abikin,khawtlang tan leh ram tan a mi pawimawh/tangkai te an thih phei chuan,awm lo kan ti leh zual thin.Kan ui a, kan suna kan tuar thin.Thihna zawng a nat em avangin eng ang paw’n lo tuar ila in dem theih ngawt a ni lo!

Chu thihna chu a nat em avang chuan,thenkhat chuan,engkim a thim zawngin an thlira.Chung an lungngaihna leh an rilru natna/hahna tih reh tum chuan thil dang an zawnga.Nun kawng dik zawh lai rengte pawn nun kawng dik lo an zawh phah hial thin.Nunna petu Pathian hialte an dem a,chhan hrang hrang an zawng thin.


Chu mai pawh chu a la ni lo,thenkhatte phei chuan an hmangaih kal tate kalnaa kal ve theih in beisei vangin emaw,an hmangaih berte an chan tak siah chuan an tan dam ve reng chu sawt lova hriain,an nunna hial pawh chhah ve an hnial lo thin.Thihna hi chu a na a niang,keini mihring te chauh lo,rannung/ramsate,thlarau nei lo zawk te paw’n an lo tuar na thei em mai!

Where,O Death,is your victory?

Where,O Death,is your sting?


Kristian kan ni a,thih hnu piah lam ram beiseina kan neih avang ngawta,he thihna hi tuar thiam tura in beisei ngawt chi a ni kher lova.Kristian lo,thih hnu piah lam ram beiseina engmah nei lo zawkte pawn thiam takin an tuar tho.


Hmani lawk khan,kan rawngbawlpui,ka thian,kan hotunu,unaunu ang chiaha ka en,zilh leh fuih ka ngaih huna min zilha min fuihtu,China rama Pathian rawng ka bawl ve theihna atana kawng engkima min puitu,ka thian tlemte zinga tap hial chunga ka rilru hahna leh ka manganna ka thlen ngamna,ka hlimna leh ka lawmnate ka thlenna ber pakhat chuan,nat lawk pawh awm lovin,an chuanna motor leh truck an in sut avangin min boralsan tih thu ka hriaa.

He thu ka hriat tirh hian awih harsa ka ti a,ka awih phal lo!!Mahse,a tak ngei chu a ni bawk si!Hun lo ka ti a.Ka thinlung fei anga chhunin a naa,sawi tur ka hre lo!Mipa nih vanga tah loh bik pawh thil theih a ni chuang lo!Thihna hi chu a na a ni!

Nung turin kan thi :

Thenkhat thung chuan chu thihna chu, na in lungchhiatthlak hle mahse, thiam tak in an tuar a,an hmangaih kalta te chuan ,he khawvel hrehawm hi chhuahsanin,hmuntha zawkah an kal a ni tih an chian avangin,lungngaihna hmunah an lawm thei thin a.Tahna hmun ah ngei pawh an hlim thei thin.Keini Krista hnungzuitute chuan,kan thian,kan rawngbawlpui,kan hmangaih kaltate chu,thihna leh lungngaihna awm tawh lohna,Krista kiangah an chawlin kan ring a,kan thla a muang thin.Keini Krista hnungzuitute chu Chatuana Nung turin kan thi a lo ni si a!

## U Dengziki pangpar dawn te.[A vuina thlalak vel dah tel ka duh viau laiin,min rawn thawn chhun hetiang hi a ni tlats,telh loh tawp aiah]

U Dengziki thihna pawh hi hun lo tiin,hriatthiam har ti hle mah ila,Chatuana Nung turin a thi alo ni zawk si a.

Tahna leh lungngaihna ten thla an zar tawh lohna,
Thihna a thih hlenna ram mawiah,
Muangin a chawl tawh si a nih chuan,
Ka lawmin ka hlim tur a ni zawk dawn lom ni!?

A mi thianghlimte thihna chu Lalpa ngaih chuan hlu tak ani.(Sam 116:15)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s