Chhurbura roh em em; Nahaia'n neihsak phet a tum!

[ Dragon Boat Festival – 端午节 ]


Chinese ho hian kut [festival/jie ri节日 ] hrang hrang an nei a,chung zinga a lar zual te chu:

  1. Chun jie [ 春节 ] aka Spring Festival,Chinese New Year.
  2. Yuánxiao jié [ 元宵节 ] aka Lantern Festival.
  3. Duanwu Jié [ 端午节 ] aka Dragon Boat festival.
  4. Zhongqiu jie [中秋节 ] aka Mid-Autumn festival.
  5. Qing ming jie [清明节 ] aka Qingming Festival.Tomb/Grave Sweeping day/festival.
  6. Qi xi jie [ 七夕节 ] aka Chinese Vanlentine’s Day.
  7. ChongYang jie [ 重阳节 ] aka ChongYang Festival/Double Nineth Festival.
Tichuan,vawiin (19.June.’07 ) hi Chinese calendar (lunar calendar) ah chuan,May ni 5 a ni a.A chunga kut pakhat kan sawi tak,DuanWu jie/Dragon Boat Festival kan hmang mek a ni.

He “DuanWu Jie/Gragon Boat Festival” an lo hman tran dan hi sawi dan hrang a awm nual a.Mahse,a nawlpui in an pawm dan chu hetiang hi a ni e:

Qu Yuan-a Corruption dodal tu:

Qu Yuan (屈原 340BC-278 Bc) Warring States Period laia,‘Chu’ province lian tak pakhat a minister pakhat a ni a,tin,hla phuah leh poem ziah thiam a ni bawk.Pa nun ngil,inngaitlawm tak leh a rorelsak a te tana thil tha a duhna chu, a khua leh tui te pawn an hre vek a.An ngaina in an duh hle a.Tin,chutih hunlai chu an sorkar inrelbawlna buaichuar hunlai tak,an sorkar hruaitulu te pawn nasa tak a mipui chanai an eiruk nasat hunlai a ni.

Chung sorkar inrel bawlna fel lo leh eirukna te chu a vei em em a.Vawi duailo chungte chu tih rem dan zawng in hma a la a,mahse,engmah a ang thei bawk si lo.Eirukna te chuan kiam lam pan a hnehin ,a zual zapui vaihlenhlo tih ang maiin,zual lam a pan zel mai bawk si a!

Chutih lai chuan Qu Yuan-a chu,Chinghne zinga beram awm ang maia ni!Midik leh dikna duh mi te aia,mi pamham leh midik lo zawk te an la ding chhuah fo na khawvel a la nih rih si avangin.Dikna ngaina tu,Qu Yuan-a pawh chu,a rorelpui/athiante ngei pawh chuan,A dikna duhna leh ngainatna chu hmu sak duh lovin,an province lalber(emperor)/chief minister hnenah chuan diklo tak a hek ta zawk in,a ban theih na tur in tan an la ta zawk a.An Chief minister ber lah chuan,a tam lam lam thusawi chu a awih ta mai si a.

Tichuan dikna duhtu leh mahni chan aia,mipuite chanvo dah hmasak hram hram duh thin,minister Qu Yuan-a chu,a minister nihna atangin ban alo ni ta a!Chutia ban a nih hnu chuan,thingtlang khaw hla tak tak ah te a zin chhuak thin a.Chung a zin kawng ah chuan hla thu/poem tha tak tak a ziak a.Chung a poetry ziahte chuan tun thleng hian,Chinese thu leh hla [literature] ah hian,hmun lai lai ber a la luah nghe nghe !

Minister a trangin ban ni tawh mahse, ram a hmangaihna leh eirukna a vei chu a reh thei chuang lova.Chung dik lohna leh hlemhletna kawvel a nun reng chu, atan a thlakhlelhawm ta reng reng lo! Thlakhlehawm a hnehin ,chu khaw vel chu ‘Hremhmun tlafual’ a ni ta zawk !

Thih hnua hrem hmuna kal mah hlauh tawk nak alaiin,damlai a Hremhmun tlafual a nun reng chu tu in nge duh bik teh lul ang le!Qu Yuan-a pawh chuan,chu hremhmun tlafual chu chhuahsan duh in,an khaw kiang a luiah chuan a zuang thla ta a!Qu Yuan Minister dikna duh an chan ta!A ruang hlawm tur an hmu awm lo!

A khaw mipuite chuan nasa takin an sun a.A taksa chu sangha ten an ei ang tih hlauvin a khaw mipuite chuan,zongzi 粽子 [buhban chhum,artui tiat vela hlawm,vaimin hnah/mau hnah/a tuam/fun,a chhunga bean sen chi leh sa dah] luia ah chuan,sanga ei atan an thlak thin a.Tin,chu luiah chuan rulpui(dragon) a awm ni in an hria a.Chu dragon chuan,Qu Yuan-a taksa chu a ei ang tih an hlau em em mai a,chuta trang chuan,dragon ang deuh lawng an siam a, lui ah chuan lawng chuan an kal kual a.Dragon in Qu Yuan-a taksa a eiloh nan bengchheng an siam thin!

[Picture:People’s daily]


C
huta trang chuan chu ni chu,serh hrang in,Mi dik,eiruk na dodal tu,mipuite hmangaih tu hriat reng nan,vawiin ni thleng in an la hmang ta a! Hei hi ani,tuna kan festival hman mek,DuanWu Jie,Dragon Boat Festival an tih bawk lo chhuah dan chu a ni.

Ani,Qu Yuan-a,eirukna a duh loh avangin,Minister atranga ban hial tawkin,a thiante phatsan tawk mahse,vawiin niah chuan,chung phatsan tute te ,mipui chan ai eiru tute chu,tuman an hming an hre tawh lo..Nimahse,Qu Yuan-a hming erawh chu,miten an theihnghilh tawh lova,an theihnghilh tawh bawk hek lovang. DIKNA CHU A TLO VA,CHATUAN PAWHIN A NGET LO VANG..!

Zongzi [glutinous rice dumpling] chu a tui ngang a niang. Athens 2004 Olympic,Table tennis women’s single,Gold Medalist:Zhang Yining pon a fakna sa hle mai hei.(Metro Super Market Advertisement)

Vawiin pawh hian China ram hmun hranghrangah he kut/festival hi hman a ni a.Tun hma a an hman dan nen chuan a dang tawh viau awm e.Zongzi te pawh sangha eitur a lui a paih tawh lovin,mahni eiturin an siamin an lei tawh zawk a.Tin,Dragon boat hmanga luia dragon tihthaih tum aiin,infiamna/intihhlimna ang in an kal pui tawh zawk bawk.

HAPPY DRAGON BOAT FESTIVAL..!! DUAN WU JIE KUAI LE..!!

[Picture:People’s daily ]

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s