Chhurbura roh em em; Nahaia'n neihsak phet a tum!

[ Newsletter-May ]


Rawngbawlpui,chhung leh khat then leh rual ,bang lova min tawngtai sak reng tute,Emanuela kan hnenah Pathian Awm-achuan min awmpui theuh ka beisei!


Ka newsletter rawn ziah thin te min hlutsak a,fuihna thu tha tak tak te hmanga min rawn chhang let thin tute in chungah lawmthu ka sawi e.May thla chhunga kan hmalakna thenkhat te kan sawi leh zuai zuai ang e.

THINGTLANG ~ I :

Tun thla tir lam khan, Panama dts atranga lo kal,thalai 30 rual te kan mikhual a.An tam em avangin group hnih ah kan then a,group khatna zawk te hi May 2 to 7 khan,thingtlang a kan rawngbawlna khaw tinzawn pakhat ah kan hruai a.He khua-ah hian vawi tam tak kan kal tawh a,newsletter hmasaa ka rawn sawi tawh ang khan,he khua hi ringthar pawh kan ngah na ve ber a ni a. Abik takin he khua ah hian nikum kumtawp lam atrang khan,Pathianin kawng a hawng nasa hle a,an khaw hotute pawn tun hma zawng aiin min lawm a,tun thleng in engmah harsatna min la siam lo!Tin,he khuaah hian Summer Camp ang chi,naupang programme ang chi te nikum leh kum hmasa lam khan kan nei nual tawh bawk. *buh phun lai
VAIMIN LEH BUH PHUNIN :

Tun tum kan zin hi chuan kan rilru ah,a khawtlang huap ang zawng a thiltih kan duh hle a.Chuan thingtlang lama kan thian tha te ho kan be kual a,vanneihthlak takin,an buh tuh/phun hunlai leh vaimin tuh hunlai a lo ni hlauhva.Chungah te chuan a theih ang ang in kan pui a,taksa lam chu a chau deuh nangin,nuam kan ti tlang in kan hlim hle.Kan Chhungkaw pui te pawh an lawm ve hle a.Zantin kan tan zanriah tui hnai tak tak min buatsaih sak ziah bawk a,kan lawm hle .

TUIKHUR HIATIN :

Tin,he khua in a an tui tlan ber,tuikhur chu a chhak ko min in a hnawh khat vek mai a.Kan ringthar pakhat chuan,hei hi kan tihfai sak theih chuan khawtlang mipui lawmzia tur thu te min hrilh a.Keini pawn thiltha tak,a khawtlang pum huap Mal kan sawm theihna anih ngei beisei in,an tui khur chu kan thenfai/hiah sak ta a.
Hiah hma leh hiah hnu.
An khaw VCP ve ani mai ang chu,zanriah min lo buatsaih sak a.An lawmzia entirna ni pahfawmin ui min lo talh sak a…!! Kan team hruaite hi a tam zawk Sap an nih avangin kan hrilh hmasak chuan an ei duh dawn lo tih kan hre si a.Kan hrilh hmasa duh lo va.Tichuan,Uisa a ni tih hre miah lovin tui ti tak in an ei liam ve ta a..! A hnua kan hrilh chuan,thenkhat a inti no deuh kha chu a la uak vel in ka hria..! Keipon Uisa hi chu “haochi” ka ti hran lo..Vawksa rep tui fa zawk..:-)

ZAN HLIMAWM :
Nileng in an lovah te hnathawk mahila,zan lam kan hun tha ni tih kan hre reng a.Thalai thenkhat kan thlenna a lo leng turin kan sawm khawm a.Thalai leh naupang 30 rual vel an lo kal thin a.Tichuan,Dts team ten an testemony an hrilh a,Baibul a thawnthu te an hrilh a,tin, drama te an chang bawk a.Fapa Tlan Bo leh Thilsiam Chungchang [Creation] drama tawi ang a an chan chu,lokal khawm ho rilru khawi ber leh ngaihthlak nuam tih ber a ni.

THINGTLANG II :
Panama Dts team hnih a kan then pakhat zawk te,he khuaah hian May 16 t0 21 khan kan hruai a.He khuaah poh hian A chunga ka rawn sawi ang deuh tho khian,an buh phun kan pui a.Tin,an primary sikul ah te hun kan hmang thei a.Tui let thawnthute,” Mi tute pawh hi kan special “ a ni tih,thupui hmang in Skit te kan chang bawk a.

DAMNA CHANG :
Kan ringthar chhungkaw pakhat a pa ber leh ei zawngtu ber chu,an lova thing zar a thlak la ah a chesual a.Doctor rawn tur an awm loh avangin a eng ber nge dik lo tih an hre lo va.Mahse, a naknem veilam chu na a ti hle a,thawk a harsat a,thil thial leh ei vel poh a harsat a,chutiang chuan karkhat vel ina an lo in enkawl tawh a.

Ni 17 zan chuan an inah kan va kan a,khumah a lo mu a,chet vel poh a hartsat hle.Tichuan,Dts Team a mi pakhat ‘tihdamna’ thilpek nei,American nula [Kum 19 chauh] chuan a na laiah kut te nghat in,a tawngtai sak ta…..An tawngtai zawh poh chuan engmah chawp leh chilhin a dam nghal lo va.

Zan dar hnih vel chuan,kan thlennah kan damlo kan nu ber kha a lo kal a,min rawn kai tho va.Nichin lawk khan a thawk harsa te leh a nak na atih em em te kha thawklehkhat-ah a dam daih a ti a.A lawm lutuk chuan min rawn hrilh duh chu ni e…Lalpa chu fakin awm rawh se! Tun thlengin a na a la chhuak leh lo!A vuakna vual ah te Tihdam in kan awm si a!

VISA CHUNGCHANG : In hriat ang in tunah hian zirlai visa ka nei mek a ni a.Mahse,nikum lam a trang tawh in ka tawng zir mekna University hian,dil chhut tak tak in thil min zawt min zawt ta mai a.Chuvang chuan fimkhur a na tawh hle mai a.Thingtlang lamah te kan lo zin nasa bawk nen.

Chuvang chuan ka Visa hi,thlak hun ve tawh ka ti deuhva.Chuvang chuan tunah hian ‘working visa’ neih theih dan tur kawng ka dap mek a.Chutih rual in ‘working visa’ hi a senso a hau tak dawn hle mai a.Heng a tana ka sum mamawh te hi min lo DIL pui turin kan sawm duh che u a ni e.

Tin,tuna ka visa neih mek hi July 30 hian a tawp ang.

LAWMTHU :
@ Kan rinawm loh lai pawh a rinawm reng,danglam ve ngai lo kan Pathian hnenah,Ropina leh chawimawina zawng zawng awm se.

@ Tlang hrang hrang a,banglova min tawngtaipui reng tute,kohhran,mimal,Kohhran thalai leh thiantha rawngbawlpui te..thinglung takin in hnenah lawmthu ka sawi e.

@ Kan rawngbawlna atan a tawngtaina mai piah lam a,sum lam a malminsawm tute,Pu.Rema&Beii of Xi’an,Nl.Tetei of Siliguri,Nl.Jenis Bawitlung of Xi’an.Lalpan a let tam takin malsawm che u rawh se.


Zhufu Nimen !
Ps : hei hi thlatina ka newsletter ka thawn chhuah thin a ni a,tah hian kan post ve leh ani e.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s