Chhurbura roh em em; Nahaia'n neihsak phet a tum!

[ Pi.Baby Lalramsiami nen ]


Tuk khat chu Pu Zohmangaih of Chinga veng in min rawn phone nawlh mai a, ” hei,’Krista Rilru’ -ah,i rawngbawlna chungchang-ah kawm che an duh a,hun i nei thei a ngem,” a rawn ti a.Kei chuan ”Krista Rilru” chu eng lam nge a nih pawh ka lo hre lova.Keini ang duang,rawngbawl ve na tling lo tak te hriat belh chak a min rawn kawm ve duh anih chuan theih lohna chhan engmah ka nei loh thu te,ka lawm zawk tur thu te ka hrilh a.
Pu Zohma chuan,min han hrilfiah deuh va,”Krista Rilru” chu Pi Baby Laramsiami leh a pasal ten,rawngbawlna a ngai a,hlawkna engmah um lova,proggramme an buatsaih a nih thu te min hrilh a.Pi.Baby-i nen a inkawm tur kan nih thu te,chu kan inkawmna chu,local tv hrang hrang a tihchhuah tur a nih thu te min hrilh ta a.
Tv a tih chhuah em tur a inkawm ka huphurh thute,tin, a “high profile” deuhva ka hriat bawk a vangin,min sawmna zahawm tak chu tih hlawhtlin loh mai te ka rilruk hman a.
Mahse,he hun hi miten a kan rawngbawlna chanchin te,China a Lalpa ram tul zia te an hriat phah na hun tha tak a nih thu te leh media hmanga rawngbawlna chikhat a nih thute min hrilh tak hnu chuan huphurh tak phur ru deuh tak chung chuan ka ” aw” ta a.

Tichuan,chu hun tihlawhtling tur chuan ka inbuatsaih ta a.Mihring tak chuan ka huphurh tawp a,ka tawngkam thiam lohzia te kan ngaihtuah a,ani Pi Baby-i lah mi kawm a thiam si,zawhna fing deuh deuh te kha min zawt a nga,ka chhang buh nuaih a nga,TV hma a nih tawh bawk dawn si a…hui ham..

Engpawhnise,ka theih ang ang chuan ka inbuatsaih ve a.Ka tawngtaina ber chu :“…. He hun hi Keimah mimal intarchhuahna hun nilovin,Lal Isua chu tarlan in lo awm se,langsar ber se.Tin China ram a A ram tul zia leh China ram Lal Isuan a vei zia te, mi ten an lo hriat theih nan..”
Tichuan,inkawm tur ni [April 4.2006 ] kan tih ah chuan Pi Baby te in Venghlui lam pan chuan ka kal ta a,an nupa-in,an in huaiah an studio-ah [H&B Digital ] chuan an lo awm a.Hlim deuhvin min lo dawngsawng a,kan in kawm kan tan hma chuan,zam lo tur ten min fuih a,tin,kan inkawmna hun te Pathian hnenah hlanin kan tawngtai.
Inkawmna tan turin kan kan inbuatsaih a,thlirtute chibai bukna leh inhmel hriattirna,Pi Baby-i a neih lai te chuan ka lo sa up up a..mahse,ka duh leh lo mai tih chi ni tawh hek lo le…tluang tak chuan kan inkawm ve ta a..Kan inkawm zo chu,hnar a hlit phawi ang huai ka ni e..!
Chuan he kan inkawmna hi local tv hrang hrang ah tihchhuah a ni a,thil lawmawm deuh pakhat chu,he kan in kawmna lo en tu Mission veng nu thenkhat leh Dawrpui vengthar mi ten min rawn zawng chhuakin,kan rawngbawl zel nan sum leh pai te min rawn pe a,an ti lawm awm teh asin.Media hmanga rawngbawlna te hi a lo pawimawh zia hi ka hre chhuak thar.

He kan inkawmna hi LPS in tun chawlhni [6 May] kalta khan an ti chhuak leh a ni awm e.

** Keini ang tehlul tan chuan,hetiang hun han tawn te hi a hlu in kan phu lo em a,in thlahrung takin kan post ve mai a ni e.hriat rengna thil a tan pawn a tha ve a.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s