Chhurbura roh em em; Nahaia'n neihsak phet a tum!

[ Thingtlang -I ]


He ram a kan rawngbawl/thawh dan,abikin thingtlang lam chanchin, thian thenkhatin post tur a min ngen avangin atlangpui,at huai thawhin kan post leh ngawt a nih hi !Chiang tak erawh chuan engkim ka sawi lo mai a nge.

Kan rawngbawlna tinzawn khaw pakhat hi,in 120 vel awm na a ni a.A la thingtlang em avang leh a awmna kilkawr em avang te pawh hi niang,zin veivak tak ngial pawn an tlawh chhuak lova.Tin,he khua ah hian tuman Chanchin Tha an la tlangau pui lo va.Isua hming tak ngial poh an la hre lo a ni.

Tuna ka awmna KM a trang hian,motor thlen theihna chin hi darkar 9 to 10 vel tlan a ni a.Chuta trang chuan,lawngleng ang chi hian darkar chanve vel kal a ngai leh a.Chuta trang chuan kein khua thleng kal a ngai tawh ,a rei zawng chu kan kal chak dan a zir ani maia ,a khaw mite chuan a tlangpuiin darkar 3-4 an kal ber.Ram dang atanga kan rawngbawlna min rawn pui tura team lokal te nen a kan kal chuan darkar 6 -7 kan kal tlangpui thin.

Lui te,buh hmun te kan kal tlang chang a awm a,fur lai phei chuan kawng a diak em em a,ngal chen dawn dawn a diak kan dai chang te a awm thin.Heng team kan hruai thin tam tak te hi thingtlang an vawi khat kalna te a nih hlawm thin avang in,kan tih fuh lo tum phei chuan zanlai a khua kan luh chauh changte pawh a awm thin.

Tin,heng khuaah hian Pathianthu hril tur a kal phal a nih loh avang hian,chhan leh vang tha tak kan siam a ngai thin.An khaw hotute,zirtirtute thian ah kan siam hmasa a,tichuan an ni hian an khua a luh a, zirlai nuapang te nen a hun hman te min phal sak chuan,sikulah te,thil chi hrang hrang,saptawng zirtirte,thawnthu sawi te,thil lem siam leh ziah [art&craft],infiamna te kan neih pui thin.

Tichuan,zanlam ah kan theih ang ang in khaw chhung in te kan fang/leng kual a,nu leh pa lam kawmna leh titi puina te kan nei thin a.Fimkhur a ngaih em avangin,a pawng atakin in Pathianthu sawi kan tum nghal mai lo,inkawm tlangnel a,thianah siam phawt te kan tum hmasa tlangpui thin.Tin,mite Pathianthu kan hrilh duh anih pawhin,pakhat leh pakhat a in hrilh in kan ti ber thin.
Tin,he khua hi kan khaw tinzawn zingah a hla ber a,a la thingtlang in a mi chengte pawh an la rethei ve em em a.Loneih an eizawn na ber a ni a,buh leh mai leh thlai hnephnawl dangte an ching ber.

Sakhuana lam ah chuan,an pi leh pute sakhua an la ring ber a,kan mizo pi leh pute ang deuhvin,thing lian deuh te chuan huai nei tur ah te an ngai a,ram huai/thlarau sual an hlau em em bawk

Puithuna chi hrang hrang an la uar hle a.Mi an dam lohvin chhan leh vang an zawng a,buh leh thlai an thar that loh deuh te,ruah tui tlak hun pangngai a pelh deuhvin,chhan leh vang an zawng bawk a.Chung puithuna in a la tibuai nasat avang chuan,eng nge maw hlekah,vanneihna/malsawmna thar dawn duhin an in thawi thin.Inthawi nan hian arpa hluisen leh kel an hmang ber a,tin,hmanlai kan Mizo pipute an bawk in bawlpu kan tih leh sadawt kan tih ang te pawh kha an nei ve thlap a ni.

He khua a cheng za a 98 chu Buyi hnam an ni a.An mahni hnam( buyi/bouyei) tawng an nei a,mahse,an tawngte hi ziak in(a,aw,b) an la nei ve lo thung.

China ah hian,Han chinese kan tih hi an tam ber a,90% an ni,abak 10% hi chu,hnamte zawk,tribal kan tih te an ni.Heng hnam te zawk te pawh hi chinese tawng kan tih mai ” mandarin” [putong hua] hi China sorkar hian hmang vek turin a duh a,chuvang te pawh chu aniang,heng tribal,anmahni tawng ziak anei lo ho te pawh hi
siamsak a ngaihtuah lem loh.

Chutih rual chuan,heng tribal ho hnam tak tak,abikin kum upa lam-ah chuan ”mandarin” pawh thiam lo hi an tam mai.

Tin heng kan thingtlang kalna thin te hi la rethei ve tak tak nimahse,an mikhual kan nih tawh chuan,an neih tha ber ber min hluih a,ei leh in chungchang ah ngat phei chuan,nitin a an ei thin pangngai aia tha zawk min siamsak thin.

He khuaa kan rawngbawlna pawn zawi zawiin hma a sawn ve zel a,tunah hian ringthar pali kan nei ve tawh.He ram hi Lalpa tan kan huahva,he khua ah hian Lalpan a ram din mek a,a din zel bawk dawn.Amah hrelotuten Amah an hriat a,an zui hi kan LalIsua lokal chhan ber ani..!

Kan ringthar pakhat chuan ti hian min zawt a,chhan har ka van ti em..“Yuehan,ngatinge hetiang khawp a Pathian tha/fel chu hmanah khan kan hriat tawh loh le..??Ka pi leh pu hmana boral ta te hriat ve atan ka van it em..”

Khawvel zawng zawng ah kal a,thilsiam zawng zawng hnenah Chanchin Tha hril a,hnam zawng zawng [all nations] te hnena Chanchin Tha hril tur min tih laia , Hnam tam tak ten Chanchin Tha an la dawn lohna chhan hi engvang nge ni ang le..?

  • How then shall they call on HIM in whom they have not believed?
  • And How shall they believe in HIM of whom they have not heard ?
  • And How shall they hear without someone preaching to them?
  • And how can they preach unless they are sent ?

People are waiting at the other end of your Obedience..!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s