Chhurbura roh em em; Nahaia'n neihsak phet a tum!

[ Valentine’s Day-Bai khuaah ]


Kum hnih dawn liam ta a thil thleng a lo ni ve ta der mai ! School chawlh lai te ani bawk a tiin,ka Chinese,Kristian thianpa Zhang Yong-a’n [a hming tak ani lo] an khua a zin turin min sawmna chu phur takin ka pawm a.Tichuan,feb 13 zing ah chuan bus in an khaw lam chu kan pan ta a.Bus in darkar 10 vel tlan ani a,kawng tluanin kan ti ti a.An khua la thingtlang zia te,an la retheih ziate,lonei a ei zawng vek an nih thute min hrilh a.Tin,an khua atrang a Collage thleng a lehkhazir thei awm chhun a nih thu te min hrilh bawk a.

Tichuan,darkar 10 vel zenzawn kan tlan hnu chuan,an district capital ve angreng deuh kan thleng a,chuta trang chuan,motor dangdai tak mai,China thingthlang khua tam tak a an hman uar em em,”ke pathum nei truck/jeep” ka ti mai.Chutiang chuan darkar chanve vel kan kal leh a,kawng a chhia in a biboh em em a.Chutia,theipa tawp tawp a,duhthusam a min sawh hnu chuan[ ke in kal inla ka chau lo zawk mah awm e..!],ka thianpa chuan,” Kawng tawp kan thleng e,heta trang hi chuan kan khua thlengin ke a kan kal a ngai tawh dawn a…” in thlahrung deuh chuan arawn ti a.Tichuan chuta trang chuan an khua thleng chuan kein kan kal ta a.Kea darkar 2 vel kan kal hnu chuan an khua chu kan thleng ta a…

Bai hnam ho khua a ni a,thingtlang khua tak mai, In sawmthum vel awmna a ni.Ami chengte pawh an la rethei ve khawp mai.He khua hian pathian bik an nei a , an pi leh pute pathian kha an la ring nghet em em a, tin dawi tih te, ramhuai tih buai tih te a la tam em em mai a ni! Chumi an pathian piancham lawm tur chuan an lo in puahchah mek a, Ni hnih a tlangpuiin an lawm thin. Ka Chinese thianpa chuan, hemi hun lai hian nasa takin Thlarau sual ten mi an tibuai thin a, a bikin he khua a Ringtu awm ve tlemte te phei chu a tibuai hle thin in min hrilh a.Chuvang chuan kei pawh thlarau lamah in buatsaih tur in min hrilh nawn a.

A tuk Feb 14 chu Valentine’s Day ani tih reng an hre ve lo.Valentines Day te pawh hi kan lo ngai hlu viau hlawm a,mahse,Bai ho hnam pathian lem piancham lek a lom lo ni le..!Valentine’s day ka lo ngai pawimawh teh chiam ngai lo te pawh,ka tunlai lohna bik ka hre ta miah lo mai..!:-) Heng ho hnam nen hian kan inchhun na lai tak pawh aniang…sap ho thil a ni tlat ah..!

Anihna tak ah chuan,rilru ah rawngbawlna lam leh engnge maw tih a lang lian lutuk lem lova.Ka thianpa chungte leh khua chu hmuh pui ka duh ve vang a kal mai ka ni a.Mahse,chutia an pathian piancham lai te a lo nih bawk a vang chuan,ka rilru ah thil engnge maw tih a lang lian ta tlat mai a.

Feb 15 zing-ah chuan, khaw chhungah chuan, a khaw mi ringtu pathumte nen chuan ” khaw chhunga tawngtaia kal kualna kan nei ta a , an Inthawina hmun te, ramhuai awmna thing kung an tih mai bulah te chuan tawngtaina hun leh kan Pathian hming fakna hun te kan hmang a. He hmunah hian hun kan hmang rei hle a, ‘ thlarau indona ( spiritual warfare ) a nasa hle mai a,chutia darkar chanve vel kan tawngtai hnu chuan, Thingkung chu thli na takin a a chhem ang mai hian a rawn awm ta a, chutih rual chuan kan thian pa pakhat chu, a te thawt a, leiah chuan a tlu ta a,kan biak pawn mi chhang tawh silova,mak kan tiin tih ngaihna kan hre lo chu kan hawi hai hman hle a.Mahse,thlarau sual hnatawh a nih kan ring ta a.Tichuan, kan tawngtai chhun zawm zel a, minute 25 vel hnuah pawh engmah a an theih loh avang chuan, kan mangan hman lek lek a.

Chutah he baibul chang hi Lalpan min rawn pe ta a,” the One who is in us is greater than, the one who is in this world “ he chang hmang hian Hnehna kan puang ta a, reilote ah chuan Pathian Thlarau Thianghlim hnathawh mak tak mai chu kan chang ta a. Kei leh ka Chinese thian pakhat chu Tawnghriatloh(?) in kan tawngtai ta a, chumi hnu reilote ah chuan kan thian pa chu, an tawngin (Bai dilect- in ) ” Kan Pathian hi eng thlarau mahin a ngam lo, Lalpa chu fakin awm rawh se “ tinin a rawn au chhuak ta a, reilote ah chuan thli thaw pawh chu reh in, thingkung pawh chu a pangngai ve leh ta a !!! ( hetia kan thian pa a rawn au chhuah hian ka lo hrethiam tlat in ka hria a nih chu maw le….??!!! ) .Kan thianpa pawh chu a rawn pangngai ve leh ta a.Pathian fakna hun te leh leh lawmthu sawina te kan neih chhunzawm nghal bawk a.

He hun a trang hian Thlarau lam malsawmna tam tak kan dawng a, ka chinese thian te pawn Pathian thiltihtheihna a takin an hmuin an changa, an hlim in a fuihthar khawp mai.Kei ngeipawhin,a takin Tawnghriatloh thiltihtheihna leh tawnghriatloh hi thlarau lam thil pek a nihzia te,UPC ho chauh hman tur anih lohzia te,a zir a zir emaw by heart chi a nih lohzia te pawh ka hre chiang hle in ka hria..!

Eng thiltihtheihna mahin a ngam loh, Pathian Fa te kan ni hi a van lawmawm tak em..Lei leh van a thuneihna zawng zawng poh min pe tu, Lalpa chu fakin awm rawh se..!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s