Chhurbura roh em em; Nahaia'n neihsak phet a tum!

[ Newsletter-March&Mid-April ]


Hei hi thlatin a ka thawn chhuah thin,rawngbawlna chanchin leh ka hun hman dan thenkhat te an ni.Fimkhur vangin a ngial a ngan a sawi lo te kan hriatthiam tlan tho ka beisei.Tin,tlem a siamrem deuh a ni bawk.
Rawngbawlpui duh tak te u,Kan tana thi a, tho leh Isua Krista hmingin chibai vek u.Kalvari tlang a min tlanna a luangliam ral mai lova,a Thawhlehna nun thiltihtheina chu tawmpui zel thei turin,Tholeh Krista chuan min ti chak theuh rawh se.

Rawngbawlna chanchin te leh mahni lam chanchin te han hriat tir leh che u ka duh a.A tawi thei ang a han ziah kan tum a nge.

Tawng zir chhunzawm :
In hriat angin tunah hian March thla tir atrang khan ka Chinese tawng zir te ka chunzawm leh ta a.Tun semester hi semester 6 ka zirna tur a lo ni ve ta der mai ! Ka ngaihtuah let hian Lalpa hnenah lawmthu sawi tur a van tam em.Heng tawng zirna man to tak mai si,mihring lam a ngaiha,chawmtu/supporter tu mumal poh nei silova ,semester ruk lai kan zir ve thei ta hi,engtik lai pawh a min ” Chawm” rengtu kan Pathian hnathawh liau liau a ni.

Sawi tawh thin angin,tawng zir ka la chunzawm zelna chhan pakhat chu,visa vang hi ani a.Tunah hian University a tawng kan zir chuan,student visa hi min pe a.A nih loh chuan visa dang hi hmuh a har em em a,abikin Indian tan.

Tin,kan tawng zir te pawh a har ve tual tual a,tunah hian,tawnglehlin/thawnthu tawi phuah/tawngupa lam te kan zir nasa deuh.Har thei ngan ngan tak ani.

English Corner : Kan English corner neih thin pawh kan chhunzawm leh thei ta a.Thawhlehni zan apiangin kan nei thin.University zirlai te an rawn kal ber a,tunlai chu a tlangpuiin mi 10 t0 15 kan ni deuh ber.He saptawng a in kawm khawmna hi,kei leh kan rawngbawlpui pakhat N.Zealand mi leh American mi te nena kan huaihawt a ni a,kar tinin topic hrang hrang sawi ho tur kan buatsaih thin a.

Kar hmasa pawh khan “Friendship” tih thupui hmangin kan inkawmkhawm a,zawhna te in zawt tawn in,” Friendship ” kan hriat thiam dan te,a pawimawhna te kan sawi ho bawk a.Tun tum ah hian rawn kal thar kan nei deuh reng a,heng te hi kan ” target” deuh a.Thianah siam tumin hma kan la mek a ni.

Underground Kohhran te nen Training : March 29 to 1 April khan,Underground kohhran kan thawhpui te,kan thianpa New Zealand a trang a lo kalin,’‘ Kohhran than /punchak dan ” tih thupui hmang in training a rawn neihpui a.Tawiawm ve tur a min sawm avangin ka va tawiawm ve a.Vanneihthlak kan ti dawn nge vanduai thlak kan ti zawk dawn,thusawi/sharing na hun te tum hnih lai min pe ve a.Kan thupui zir ho hi,ka tui vena lam te a lo ni bawk a.Tin, SOFM a kan lo zir ve tawh te nen a in an em avangin ka sawi ve nual mai.

Baibul innghah na ber a hmang siin,”Chinese takin” i ti ang u,China ram ah hian,Lalpan American kohhran,Sapram kohhran,India [ Mizoram/Pres./Bap/Upc..] ram kohhran hmu hi a beisei reng reng lo.Chinese Kohhran hmuh a duh ani, te kan va tih ve tak lawng lawng kha.

Good Friday : Tun tum Good Friday chu,thingtlang a kan ringthar te hnenah kan va hmang a.Kumtir a trangin he hun hi kan nghakhlel em em a.Kan ringthar mi 5 te chuan he hunah hian ” Tui A Inhnim” an duh a.A tihna hmuna atan pawh,an khaw bula lui ngei chu an duh a.Fimkhur avang erawh chuan a ualau kan ti deuhva.Mahse,an mahni ber in an duhna a ni bawk si avangin,kan “aih” hreh bawk si a,Kan rilru a buai deuh hlek a.Pathian hnenah engkim kan hlan a,tichuan buaina leh harsatna awm lovin,Good friday chawhnu lam chuan,kan ringthar mi 4 [nu pakhat chang tur a kan ngaih chu,a hmeichhe fel loh lai anih avangin a chang ve ta hrih lo..Hnimphum kher a duh bawk si nen] te chuan ” CHINCHHIAHNA ” an chang ve ta.Lalpa chu fakin awm rawh se!

Tichuan,zan lamah,Isua film kan chhuah a,kan theih ang ang in mi kan sawm khawm a,mahse,vanbuaithlak takin ruah a sur nasa em em mai a.Duh angin mi an rawn kal tam thei lova.Nimahse,a lo kal chhunten hun tha tak kan hmang ho thei ta tho va.Isua film kan en zawh chuan,kan thlenna Guest House nei tu nu chu ka thawhpuipa Rich an Pathianthu a hrilh chunzawm a,zawhna a nei te a zawt bawk a.A tawpah chuan chu nu pawh hcuan Lal Isua zui a lo thlang ve ta..Ani,Lalpan A Hmu leh ta..!! Lalpa chu fakin awm rawh se.

Kan Good Friday hman chungchang ah poh hian sawi zui chak ka ngah nangin,a sei leh dawn em mai a.Ka in thlahrung e.A tawi zawngin, Ka Good Friday hman tawh zawng zawng a ka la hlim/lawm /hlawk ber tum a ni !

Lawmthu :
1) Misual te min hmangaih a,kan aia Thi a Tholeh,Mi tawmkai lo ber te pawh min hmang duh tu Isua Krista hnenah lawmthu awm mawlh se.

2) Banglova min tawngtaipui rengtu te,pawl leh kohhran,chungleh khat,rawngbawlpui te hnenah lawmthu ka sawi bawk e.

3 ) Tin, sum leh pai tam tak a ,ka rawngbawlna leh mimal mamawh a min tanpui tawh tute zawng zawng hnenah .Abikin tunthla kal ta a,sum lam a malminsawm tute,U Mamuana& Mabiaki of Lijiang,Chn,U Rema & Beii of Xi’an,Chn.Pu Zohmangaiha of Chhinga Veng te chhung,Lalpan a let tam takin malsawm che u rawh se !

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s