Chhurbura roh em em; Nahaia'n neihsak phet a tum!

[ Krismas Karol ]


Kan veng KTP Branch buatsaihin kum tin hian,veng chhunga intina kal in ‘krismas carol service’ neih thin a ni a.Zan khua in veng mawng leh veng kilkhawr te hrut chhuak in,krismas hla sa in kan zai thin a.Chauh leh mut chhuak kan sawi phal lova,a rauvah kan chenga,kan chau phal lova,ka muthlu phal hek lo.Heng atrang a kan sum hmuh te hi,veng chhunga mi harsa zual tanpui nan kan hmang thin.A bikin kum 2002 dec krismas carol phei kha chu ka theihnghilh thei tawh miah lo chu a ni e.Carol tur a chhuak kha kan tam deuh avangin,group hnih ah kan in then a.

Tichuan, Sande sikul hall atrang chuan kan chhuak ta a,group khat zawk a an khuangpu ah ka trang a,hetiang ni mawlh te hian alawm,a tingtang perhtupa ber nih te hi han chak ve viau thin mahila,kan perh mil a an zai thiam tlat thin si loh avangin,zankhua a khuang bawk kan awrh leh nge nge thin.Kan hruaitute chuan,thawm dim thei ang ber a kal tur a nia,kan zaina tur in te kan thitho hmasa tur a ni lo va..Tichuan,kan theih tawp chuan,kohhran intinah kan zai a,zan rei lam-ah veng hmawr leh bir lam pan te kha a ngai ta thin a.


Zan dar 2 bawr vel ni tain ka hria,Pu Engzama te in ah kan zai dawn a,an in lam pan chuan tihharh hmasak hlau tak chuan kan kal a,pawn light an on bawk silo, a thim nasa mai a.Kan zinga tlangval bengvar tak pakhat,an verandah lo zuk thleng hmasa,Stephan-a chuan,an pawn light emaw tiin,an door bell chu a lo hmet a,an door bell chu a ri ta tuarh mai a,an harh chiang teh a sin aww !! Dul thuar na urh a kan nuih tak chuh..! Stephan-a tihngaihna hrelo,hawi hai lai hmel te kha..mitthla-ah a la cham reng mai ka ti!


Tin,kha mi zana an khuangpu khan a lo vaw ‘ hot’ ta lutuk a niang chu,a tukah chuan nu leh pa upa lam chuan,in zai khan lunga tileng lo e ,in khuang pu kha tunge ? a vaw tlir zawt zawt ringawt a..Tv.Chhuantea avang vek,min fuihpawrh a..! Group hnih in then,zan dar khat vel bawr a,PS sikul kawt a kan han inhmu khawm leh,intihharh nan a,hla hawt lam pang kan han sa a,thianpa duhtak Tv.Muantea,Tv.Chhuantea,Tv.Adina,Tv.Parema,Pu Marama te ho nen a kan han lam tak tak mai phei kha chuh…eng rau ber nge kan chan tih,
Thianpa Faktea a pawn a hre lo hrim hrim,ka sawi sa ngam…! Tin,kha mi zana kan KTP Asst.Leader,kumtir lama,kan hnatlang na a,ka pawh chhawn lo va boral ta,Pu Thangtea ka ngaih zia te kha aw….krismas carol te kha nuam atiin a phur thei thin si a..Helei-ah chuan kan inhmu leh tawh miah dawn silo va leh!

Mahse,Pu.Thangte,nang chu muangten,Kan Chhandamtu kiangah,hlauhna leh hrehawmna in a a tih buai phak tawh lohna hmunah,reitheihna leh thawhrimna awm tawh lohna hmunah chuan,muang ten i chhawl tawh tih ka hai lo..!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s