Chhurbura roh em em; Nahaia'n neihsak phet a tum!

[ Tawpna ni ah chuan]


Hun leh nite luipui luang ang in an liam zel a,chu hun liam zel chu chelh din tum mahila, ka chelh din theih a ni lova,kohkir tum mahila ka thei lo va,ko kirtheitu lah ka ni hek lo.Kokirtheitu Pakhat chauh a awm a,A ni lah chuan a ko kir dawn hrih bawk si lo!Ko kir lovin a la titawp dawn zawk a ni si a leh.

Chu tawpna ni chu,he lei ka mihring taksa hian ban thleng thei dawn lo mahse,ka Thlarau tal hi chuan a la hmachhawn ngei dawn tho si. Kan in suangtuah chhin thin a.Ka nghahhlelh chang a awm.A chhan chu, lei leh van leh a chhung athil awm zawng zawng te siam tu,awm tan ni nei lo,tawp chin nei lova,Hmangaihna ang khat vek a mi zawng zawng hmangaihtu,mitha hlawmkhawm,sual nei lo rual ang a in ngai ni awm tak a,sual do inti te leh an do thilsualtitute,thilti sual ta ber anga khawtlangin a ensan a, ahnawhchhuah tak te nen pawh a hmangaihna danglam chuang lova min hmangaih reng thei tu.Uire nu uire lai tak an man,a mihring pui,sual nei ve reng te pawhin a den hlum an tum,an ngaihdam theih loh lai a,ngaidam tu.Chumai bak ah,a thilsiam ah rawn chhang a,chu a thilsiam te tan a a Nun-na hial hlantu hi,hmaihmaah ngei,live ngei a ka hmuh theih na chance ni dawn te hian ka hria a.

Chutianga a,live ngei mai a,hmaihma a ka hmu thei ve te a nih hlauh phei chuan,zawh tur leh titi pui tur hi ka nghah ve hle dawn te hian kan in hre leh ngawt pek bawk a.Kan suangtuah chhin thina,tawng zawng zawng siamtu anih si chuan,Chinese tawng te hi a thiam nal hle a nga,kan han in “Ni hao ” tawn vel turte ,kan han in ” xie xie ” leh ” Bu yong xie” tawn vel turte chu ka ngaihtuah hian ka phur a.Ani,Chinese tawng (putonghua) a kan in kawm chhunzawm chho zel thei te a nih phei chuan,”er hua” (Beijing ho Chinese accent) a hman leh hman loh te pawh ka hre thei dawn te hian kan hria a.Tin,” putong hua ” a,vinegar tihna,kan Mizo tawng a a awmzia te ka hrilh ngam a nih hlauh phei chuan,a nuih a za ve tho te hian kan ring a,a nuih a lo za lo palh hlauh anih erawh chuan,chutiangin tawng ka siamlai khan or tawng ka tihhran lai khan ka lo ngaituah thleng miah lova,ti dawn te hian ka hria a.Chopstick te pawh hi a hman thiam nghal kan ring phawt a,a vawn dan dik leh dik loh te pawh chu ka lo chhinchhiah ker ang te ka tia.Chinese bawl a,chaw an ei ve tur te chu ka mittla in ka hmu bawk nen, ka phur a ni!

Chutianga kan inkawm tlangnel zel thei te a nih phei chuan,zawhna hi ka ngah dawn lutuk a,min nin mai te hi ka ring rum rum a.China ram a ”rawngbawltu” anga awm theih loh buaithlak zia te leh visa chungchang a harsatna kan tawh dan te pawh hi ka hrilh ngei chuan ka inring a.China ram a underground kohhhran leh over ground kohhran kan tih mai te dinhmun te hi min sawifiah sak dawn se,a tawngkam thiamna leh hriatna in atlin dawn si .Mahse, chung tiang zawhna ka neih zawng zawng chu min chhang seng in hun a nei dawn chhiah lo te hian ka hre leh deuh bawk si a.Ka zawh loh mai te ka inring leh rum rum!

Kawng lehlamah chuan,chu ”Tawpna Ni” ah chuan, kei mitlaktlai lo hian ,chu Lei leh van leh a chhunga thil awm zawng zawng te siamtu,Miropui leh Mithianghlim chu, lo kawm fal a lo ti ti pui theih chu a har khawp ang le.Chu ” Tawpna Ni” ah chuan,live ngeiin,inhmachhawnin in hmu ta pawh niila,keiman zawhna ka zawh aiin a man zawhna tam tak min zawt dawn si a,live ngei mai in,helei a ka hringnun hman dan zawng zawng kha a rawn chhuah a nga,hmuh duh loh lai tur fe fe hi ka ngah dawn te hian ka hria.

Chutianga,Tv screen anga rawn chhuah tur pawh chu ni lo mahse,chu ka hmachhawn a chu a thianghlim em avang leh, a ropuina famkima inthuam a nih tawh dawn avangin,ka hringnun hman dan thalo laite chu,sawifiah thiam loh khawp a chiang zawk hian a rawn lang dawn tho tho hian ka hria a.Ka zak ngawih ngawih a nga,mahni thiamlohinchhantirin ,a hmel tak pawh en ngam loh hian,ka kuntlat te ka ring a….

Nimahse,a tawp ah chuan ani chuan,khawvel a ka awm chhunga ka la hriat ngai reng reng loh aw mawi,dam thlap,zaidam tak leh nelawm em em chuan.Chung i sualna zawng zawng te chu ka hre vek a lom,zahna tur leh thiamlohinchantir duh reng reng suh.Chuvang tak chuan a lom ,ka Fapa leiah rawn tirin,misual ber thih a a rawn thih ni.Chu a thihna leh thawlehna a vang chuan,zahna leh thiamlohinchantirna chu Hnehin a awm a,Thiamchantirin i awm tawh a sin,ka ngaidam vek tawh che,tiin,a ang chhung nuam-ah chuan min lawm lut ta zawk hian ka hria a.

Chuta,ka lawm lutuk awm ngaihna hre bawk silo,hawi hai lai vel a,hmalam kan en a,kan mihuai kal tawh,Krista vang a martar tawh te pawh chu lawmin an lo au ve dawn in ka hria.Chung kiangah chuan,ka thian,ka rawngbawlpui,ka chhung leh khat,khawvel a hnam chitin te,chinese ho te,Buyi hnam ho te pawh chu lawmin an lo zuang ve dawn hial te hian ka suangtuah a.Chungte avang chuan a ni,chu ”Tawpna Ni” chu ka nghahhlelh fo thin ni,ka ti thin.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s