Chhurbura roh em em; Nahaia'n neihsak phet a tum!

[ Zan hlimawm chu ]


Ruah a sur nasa hle a,zing thawh hma peih awm loh hle mahse, rawngbawlpui Zhang Ling of American (a chinese hming ka hmang e..) ten an rawngbawlna hmuhpui ve turin min sawm avangin zing dar 7 ah chuan breakfast te ka ei kham der tawh a.Tichuan,kan in kawt ah ka thiante chuan an Jeep-in min lo lam a,kan zinna tur thingtlang lam chu kan pan nghal a.Kan veng KM atrangin motor te in darkar 8 vel tlan a ni.Kan vaiin mi paruk kan ni a.Kan zingah hian thianpa Zhang-a kohhran pa-si-tor a tel bawk a.Kal kawng ah chuan thianpa Zhang a chuan,kan kalna tur thingtlang khaw chanchin leh an dinhmun te chu min hrilh a.He khua-ah hian, Zhuang hnam an tam ber a.In 150 vel an ni a.


An pipute sakhua chu an rin ber a ni a,ran hmang a inthawi te leh dawi lam thil te an la uar hle a.He khuaah hian tuman Chanchin Tha an la tlangau pui ngai lo a.Kan thiante hi ramdangmi an hmuh hmasak ber te an ni.Anni ka thiante hian 2005 a trang khan rawngbawlna he khua ah hian an lo tran tawh a.Tin,tun tum ah hian,hmani lawk a ringthar mi 10 an neih te “tuiah an hnim” tur thu te min hrilh bawk a.Chung,” tui a in hnim” turte avang ringawt pawh chuan,mimal tak pawh in ka phur hle a,naupan laia masi kawr thar hak hun kan nghakhlel thin ai pawhin,chu hun chu ka nghakhlel zawk mah awm e…!

Tichuan,kan kal na tur khaw chhungah tak hian motor a luh theih loh avangin,an khua atrang a,4km velah chuan motor chu kan dah a,chuta trang chuan kein kan kal ta a.Kan thleng chu,he khua a an ringthar te chuan min lo hmuak a,kan tan zanriah te min lo buatsaih sak a.An chaw hmeh neih that ber ber te chu min lo hluih a,puar takin kan ei a.Fore-ner (sap) an khuaah an lo kal a ni tih an hriat chuan,a khaw nawt in zanah chuan kan thlen in ah chuan an lo kal khawm a. (Kei erawh chu Chinese emaw min ti a,an tawnglettu ah min ngai…)

Kan thlenna kawt zawl ah chuan,projector hmang in, I-S-U-A film,an mahni tawng a lehlin chu kan chhuah ta a.Hmuhnawm an ti ngang mai.An en zawh chuan,thianpa Zhang a chuan, “Isua chu an Pathian a nih ve zia te,Sap(american) ho chauh Pathian a nih bik lohzia te,Isua pawh kha Asia rama piang a nih thu te leh an hnam(zhuang) ho pawh chu Pathian siam an nih thute,an mahni hnam tan a kross lera a thih a,thihna hneha a thawhleh thute,hmangaihna danglam ngai lova a hmangaih zia te a sawi chhunzawm bawk a…”

Tichuan,Isua chu an Lal leh Chhandamtu atan a pawm duh apiangte ban a phar tir a,mi 15 lai chuan an ban an phar ta mai a,chung ban pharte chu kan ko chhuak a,kan tawngtai sak a,tap zawih zawih in an in hlan ta a..Hnam zawng zawngte Pathian,kan Lalpa ngei chu fakin awm rawh se.He ram zalen tak a,A rawngbawl theih lohna ram ah pawh a,Kan Lalpan aram a zauh zel dan hi,mit ngei a hmu tu tan chuan, A MAK IN A ROPUI E ! tih mai loh chu sawi tur hi a vang thin khawp mai.

The HARVEST is Here ; The KINGDOM is here.

HNIM PHUM RAWNGBAWLNA : Zingah hma takah kan tho va,ringthar kan “Hnimphum” turte nen chuan an khua trang a,kilometer 3 vela hla a ,lui pakhat chu kan pan a.Fimkhur avangin an thiante,ringtu la ni ve lo te chu sawm lo tur in kan ti a.Tichuan,lui kan thlen chuan,Pathian biak hona hun tawi te kan nei hova.”Hnimphum” awmzia te,kan zinga pa-si-tor chuan a sawifiah a,fuihna thu te a sawi nghal bawk a.


T
ichuan,ringthar mi 10 te chu a “Hnimphum” ta a.Chumi zawh chuan,lui kam ah chuan,Pathianthu zir hona kan nei nghal a. Ringthar te hnen atrangin an tes-te-mo-ni,trap zawih zawiha an sawi te kan ngaithla bawk a.Hun hlimawm leh hlu tak kan hmang ho.Kei,mimal tak pawn he hun hi ka hlawk pui hle a.Min fuih thara , rawngbawl zel tur a kal zel tur in nasa takin min ti chak bawk. Amah la hre ngai lo leh la hmelhriat ngai lo ten a , Amah an han hmu ta leh, chu, an hmelhriat thar a chu,an damchhung a tan a zui an han thlang ta a,an nun an han hlan lai te hmuh tluk a thil hmuh hlimawm leh hlu hi he khawvel ah hian a awm in ka hre ta lo…

Heng mi te hi chu,vawi tam tak Isua chanchin hre tawh a,engah mah ngai lo tute emaw vawitam tak Camping ,crusade a lut a, piangthar piangthar a,ka piangthar a,an tih na chil per pawh a hul hma a,da leh ta mai te ang emaw,Kohhran a a kul atai a in hmang reng chunga,sorkar sum eiru reng tute emaw mahni hnam nihna a lungawi zolova,hruai bo na thlarau chang mek ,Israel hnam a in chhiar a,chung lam a trang a eng nge maw malsawmna “peace bonus” dawng dawn ni tlat a in ngai a,kan Lal ISUA MESSAIH ngei hnawl a,Messaih dang beisei tlattute ang an ni ve si lo….


I lawmna ber Lalpa Thlarau Bo Chhandam

I hna tul ber khawvel a Chanchin Tha hril.


(Hei hi ka blog hmasa a ka dah tawh a ni a,kan dah ve leh re re a ni..)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s