Chhurbura roh em em; Nahaia'n neihsak phet a tum!

[ Hmehchhuah chanel ]


Nikum March thlatir te khan Aizawl lamah chawlh hmangin ka han hawng a, Siliguri leh Shillong a kan pawl Ywam trainning-na hmunah te rawngbawlna report te min pek tir hnuah, dan pangngai tein Shillong atrangin Aizawl lam panin sumo-ah kan in sawh chho leh ta lawp lawp maia, kum hnih hnua mahni veng lam pan ka ni bawk a, in thlen hun ka nghah hlelh dan chu pui tak a ni pui tak, primary sikul kal lai a chawlhlawk hun kan nghakhlel thin a ai poh khan ka nghakhlel awm e !Kawng laka kan buai dan vel chu sawi thui ta lo mai ila.Tichuan,in chu zanlai dar12 velah ka thleng ta hlawl mai..chhung leh khat ,then leh rual te min lo lawm thiam a,a van nuam em.!Kum hnih lek thang bo chhung pawn, Aizawl leh a vel poh a lo dang lam nual ta mai,a danglam lo awm chhun chu,kan veng panna kawng Kulikawn to Skk, ngaizel leh khaw chhung, a khuk ngaiin a la khu reng!

Hmehchhuah chanel ( Demand chanel) hi ka hriat vena chu,lelte website a trangin a ni mai a.Anni hian hemi chungchang an ziah thin hian,”Hmehchhuah chanel” an ti mai thin a.In ka thlen tuk chuan Tv ka en a,ka nu hnenah chuan,” ka nu, khawi hi nge hmehchhuah chanel chu” ka ti a.Ka nu chuan remote chu ala,min han hmehchhuah sak ta a,TV screen ah chuan Demand chanel ti in ziak a lo langa,a bikin LPS ah phei chuan,back,next tih te a in ziak tel nuaih bawk a.. zaithiam hming hrang hrang leh an hla sak hming te a lo lang a.Ka lo hriat ve danah chuan,demand chanel tih aimahin, Hmehchhuah chanel tih khan ka rilru a luah ngeh em avang khan, hmehchhuah tak tak tur ah kan ngai ngawt pek a.TV screen chu remote chuan ka tinzawn a, ka hla duh ber chu thlan tum chuan kan hmet ve ta a,Tv screen a hming leh hla lang chu a kal zut zut a, Routmawi an tih hmar nula chuan lungchim em em mai hian ,khawhar hla a rawn sa ta vawng vawng mai a…ka en tum ber chu nichiah lo mahse ka en ‘kuit’ ta thak a,min min thlan khalh a nih hi ka ti a. A zai zawh velleh chuan remote bawk chuan,min min thlan khalh ang tih hlau tak chuan remote a number chu kan hmet leh ta a, hla number nen khan in zawmtur ah kan ngawi ngawt pek a. Chutia ka hla duhzawng ‘hmehchhuah’ tuma ka beih chiam chung poh chuan min rawn thlan khalh leh ta..Routmawi bawk a lo zai leh a,ngatinge maw ni le khawhar hla an van duh em em ka ti a. Zualko hlathlan a maw te ka ti hman hial a. Tichuan, mi thlan khalh hlau tak chuan, a zai ho chu ka nghak leh ta a.A zai zo music tawp rual rual chuan,ka tv remote ken chu kan hmet leh ta a, la hmet chhuak thei ta chuang lo,min thlan khalh leh ta…tunah chuan, Routmawi ni tawh lovin, Mapuiin, Samari Mitha tih chu thiam em em hian a rawn thlawh ve thung a,a zai zawh chu ka nghak leh ta a,music tawp rual chuan ka thei ang a rang in, ka tv remote ken bawk chu kan hmet leh ta a, ka thlan duh chu ka ‘hmet (h)’ chhuak ve thei ta chuang lo…kan tv remote hi a tha lo a niang ka ti a,In chunga ka pute inah chuan ka chho va, ka nutei i leh ka pu chuan Tv an lo en a,Hmehchhuah channel atang hian hla thlan ve ka tuma min thlan khalh zel a, ka ti a. Ka nutei i chuan, engtik lai pawn thlangtu an awm reng,thlanna hun chan ve pawh a har lutuk, a ti a. Ka nutei i vek chuan, eng hla nge thlan i duh a a ti a,kei chuan,Isak Malsawmtluanga hla sak kha ka ti ve ngawt a.( Saktea a hian,China ah rawngbawlin ka awm tih a lo hria a,nikum 2005 kum laihawl vel khan,a music video hi min rawn thawn ve nal nal..feichhang ganxie nin,Sakte,vawi duai lo ka ngaithla a,rawngbawlna kawng a kal zel tur pon min fuih thar i hla sak hian..

Ka nutei i chuan, kan try ve chhin a nge a ti a, phone lam chu a pan ta a,a chang ta ran a,zai lai zai zawh chuan, phone number chu a hmet a, a ngaihna chu ka hre ta lo kher mai. A ni poh chuan,ka chang lo a ti a. Kei chuan,ngatinge phone atanga thlan i tum, kan ti he haw a. Ka thlan/hmehchhuah tum dan chu ka sawi ta a…Ka pu nen chuan min nuih ta kiah kiah mai a.Hmehchhuah chanel tih avang a ,remote a tranga hmehchhuah/thlan kher tur tihna ani hlei nem an ti a. Ka mak ti leh zak chu ka ngawi ta hle hle a..Ka nutei chuan, thenawm leh thiantha te hnenah ka hla thlan/hmehchhuah tum dan chu a lo sawi puang leh nghal a, thian te chuan min fiam min fiam ta mai a. Lelte ho vang vek….heheh.. Ka mawl khu luih a ni ber eee..Heng te hi aniang miin ”re-entry” an lo tih thin chu ni..!

(hei hi ka blog hmasa a ka post tawh a ni nangin tah hian kan dah ve leh re re a ni )

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s