Chhurbura roh em em; Nahaia'n neihsak phet a tum!

[ Chinese New Year ]


China ram-ah hian developement hi ‘a zuang in a zuang’ a ni mai lova, ‘ a tlan in a tlan’ a ni ber!Chung te avang chuan nitinin China hi a danglam reng a,abikin thalaite zingah phei chuan an hnam tihdan tam tak te ngaihpawimawh lohna a lian tual tual a.Chutiangin, sap/western thil tihdan tam tak an copy a,Krismas te pawh sap ho festival pakhat a ngaiin,kristian ni lem lote pawn intih changkanna a ngaiin an hmang/lawm ve nasa tawh mai a.Mizote ang deuhvin sap an nih chuan an ngaisang em em a,thalai ho zingah phei chuan sap hming nei chu rual pawlna leh tunlaina a ngaih a ni.University leh office han dawr nikhua te leh chhuahvahna hrim hrim ah pawh,Sap/mingo(lao wai) an nih avanga duhsak bikna leh ngaihsak bik/ngaihpawimawh bik an dawn na a tam hle a.Keini erawh chu foreigner ni ve tho mahila kan vun a var/ngo ve loh vang a niang chu,min pal zut mai mai chang leh min ngaihsak loh chang a tam hle a.Kei phei chu Chinese ka an vang nge,min vin tak hrep chang te pawh a awm nawk mai.Foreigner i ni tih an hriat chuan chutiang chu an ti lo tlangpui thin .

Sap-ho tihdan tam tak an la tawh kan tih rualin, tun thlenga khawvel rual lova an la kalna lian tak leh an hnam tihdan hlui a an la van nun reng pakhat chu ‘chun jie’ ( spring festival) a tam zawkin a ‘Chinese New Year’ kan tih hi a ni.Lunar calendar zui a lawm thin a ni a,a tlangpuiin January 30 leh Febuary ni 20 inkarah an hmang ber thin,keinin a krismas kan ngai pawimawh ai hian an ngaipawimawh zawk.Hmun hrang hrang a awm chhungkhatte nena in tawhkhawm leh na hun(family reunion) atan an hmang thin.Khaw dang/ram dang/province dangah hnathawk/lehkhazir in awm mahse,hemi hunlai hi chuan an mahni khua/veng theuh vah chhung te nen hman ho ngei an tum thin a.Chungte avang chuan hetih hunlai hi chuan zin vei vak an tam in, rel leh thlawhna te an khat in an tawt thei hle a,China sorkar pawn hemi pual te hian thlawhna tlawk te pawh a tih tam phah hial thin.Tin, he ‘chun jie’ chhung hi chuan dawr zawng an khar a,zirnain leh pisa zawng zawng karkhat chhung khar a ni bawk a.Khawlai-ah mi chhuak vak hmuh tur an vang a,china ram a ang lo lek lek zawk,a reh ve lutuk a.Aizawl a chawlhni zing ang vel a ni.Tin,zanlamah chuan hal mawi chi hrang hrang an hal bawk thin a,chuvang chuan zanah pawh mut a har thei khawp mai.

Tun kum Chinese New Year chu Feb 17 a trang khan a in tan a,keini pawh ka rawngbawlpui Harbin nula,Nunui & Remi te nen kan hmang ve a.CCTV (China Central Television) ina,he Chinese new year pual a kumtin a a buatsaih thin,”Spring Festival Gala” te kan en ho va.Tin,kan zinga si-pi-ri-tual deuh ber, Remin tawngtaina te a rawt a,China ram tana tawngtaina hun atan te leh mahni inhlantharna atan ten kan hmang bawk a.

chinese new year a ni bawk a,kawr sen vek kan ha a ni e..hal mawi te kan hal ve a..

(thlalak thar thenkhat:go to my photo)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s