Chhurbura roh em em; Nahaia'n neihsak phet a tum!

[ Lentlak a rual lo ]


Thianpa Sany-a,Weng-a te nen chhun chaw eiho turin Korean restaurant ah kan kal a.Kan thutna bul tukverh a trang chuan,a hnuai a kawng pui lun tak mai chu a lang chiang hle a.Holiday a ni bawk a,mi chi hrang hrang an tam ngei mai,a then lu/sam avar tial a,thenkhat a sen buang a,then khat a eng te..thawmhnaw bel lam lah in ang suh,a then in bul thei tawp in an ha a,then khat in puk theih tawp an in bel a,thenkhat in ke ar tui sang tak tak,bag lian pui pui,Mizopa Iptepui tiat lawih tur nula thenkhatin an ak a,chhunchaw ei hun vanglai a ni a,chhungkua a Pizza Hut lam pan mek te,Mc Donald leh KFC,chaw dawr a lut mek te chu ka thlir reng a.Chutianga mi inkalthelh sung sung karah chuan,naupang kum 8 leh kum 10 bawr vel hi ,thawmhnaw hlui leh bal tak mai inbel in ngui takin,kawng sir khat-ah chuan an thu ran a.An hma ah chuan,Chinese tawng a inziak in,an nu leh pa te an inthen a,a tu lam lam mahni an fa a tan an duh lo thu te chu a in ziak kur nguai a.Nimahse,ka mi vei vak hmuh te chuan, tumah hian engmah an pe si lo…Heng naupang te hi an duh avanga hetiang a awm an ni bik si lova,an nu leh pa te inthen ta lo se,heting thil zahthlak tak hi an tih ngai bik lek lo tur a.Ka rilru chuan an nu leh pa te chu ka dem mawlh mawlh a….

Kan chaw order chu a lo thleng a,ka chaw ei lai chuan,ka thian te pahnih chu chung naupang te chu ka kawhhmuh a.Thianpa,Weng-a chuan ti hian a sawi…” China rama kutdawh naupang te hian,tirtu(boss) an nei deuh zel a,an kutdawh atranga an pawisa hmuh hi tlem te chuah an ni hi chuan an chang a,an boss ten atam zawk chu an chan sak vek zel a…..an boss te hian,hetia kut an dawh lai hian hmun khawi maw lai a trangin an thlir reng thin..tuna naupang te pawh khuan tirtu/boss an nei mai thei a sin,heng te avang hian mitam tak chuan heng kutdawh te hi an tanpui duh lo phah thin…” ati a. Chutiang thu ka hriat hnu chuan,chung mitam tak engmah pe lova kal pel ta mai mai te pawh chu ka dem em em ta bik lo va…

Kan chaw ei kham chuan,chung kutdawh naupang te chu kan va bia a,min be tha duh vak tlat lo.Tichuan,1rmb kan pe a kan kal san ta a.Tihian ka ngaihtuahna a kal chhunzawm a, khang naupangte hma lam hunte kha ka ngaituah a,a thim hle in ka hria.An thu ziak kha tak tak lo ni ta se,an nu leh pa te kha dem tur ber an nih ka ring a,tin,an thu ziak ang ni lo khan,an nu emaw an pa in emaw a fate kut a dawh tir anih pawhin, a nu leh pa chu demawm tho ka ti. An nu leh pa te dinhmun tak tak chu ka zuk hrelo nangin,piangsual hnathawkthei lo pawh an lo ni thut thei tho va.

Tichuan,ka ngaihtuahna chu a kal zel a,fate enkawlna chungchang a nu leh pa mawhphurna san ziate ka ngaihtuah a, kan ram Kristian ram a Fahrah tam tak zia te,Fahrah chhawmna In/center/home pun chak zia te hi aw..hnamdang lakah pawh hei hi thilzahthlak tak pakhat a ni in ka hria. Chutih laiin kan ram ah mi pawimawh ,ramdangmi an lo kal in,TNT te chu kan tlawhtir leh kan chhuan an lo ni lehnghal a.A thawktute thawhrimna leh an inpekna te kan ngaisang a nih chuan a ropui e. Nimahse, zawhna awm thei chu,heng TNT a awm zozai fahrah te hi khawi a mi te nge,tute nge an nu leh pa te…?? Ngaih tuah thui phei chuan a rapthlak zawk in ka hria,TNT a thawk ka thiannu chuan,naupiang hlim hlawl te, nausen thla pawh la tling lo te hi an rawn dah tawp zel e a ti…An hrin ngei,an thisen a mi ngei kha ,an fa nih tawh lo tur in ,hringlotute hnenah an han hlan ta ania…(TNT kan sawi chhiat na lam ni lo..a din tu pa leh a thawktute khi ka HERO te an ni,an fak awm tawp..) Heng te hi Kristian lo ram ah chuan lo pung in ,an fate mite hnenah lo pe ta pawh ni se, ngaihthiamna thui tak a awm thei ang.

Nilova ,keini Kristian ram,miso-nari tir chhuak tam inti ,inkhawm tam,sunday sikul nei tha ram thil thleng a tan chuan, Thil lungchhiat thlak ber te zinga mi a ni hial ang, mipat hmeichhiatna hmankhawhlohna te hi thalai te ah hian a pung tual tual leh nghal,nautihtlak (abortion-medical reason vang nilova nautihtlak) ,hmeichhia leh hmeichhia innei,inngaizawng,mipa leh mipa in nei/inngaizawng pawh kan pung tak zel naram ah hian..Lal Isua pawh hian min rawn fang ta se, heng sualna leh fahrah tam tak te a vang hian a mittui a tla ve hial in ka ring thin…!!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s