Chhurbura roh em em; Nahaia'n neihsak phet a tum!

[ November newsletter ]


Rawngbawlpui duh tak te u,
Mi zawng zawng min Chhandam tur a, Kan tan a ran thleng a tlawm tak a lo piang , kan Lalpa Isua Krista hmingin chibai vek u le.November thla chhunga ka hun hman dan thekhatte han sawi leh zuai zuai a nge.
Buai lutuk suh :
Ka thawhpui pa ber Richard-a of singapore,tunthla ( nov ) tir lam khan, a khup na dam tha hlei thei lo chu in check up turin,Singapore lam ah min kalsan a.Doctorten hlawh tling takin an zai a. Tun,nilaini hian an lo haw leh ang. Thawhpuipa ber awm tak loh vah chuan, thingtlang lam a kan rawngbawlna te, team lo kal lo dawnsawn a,lo buai pui zawng zawng chu ka kut ah a awm vek mai a. Nilengin team ho te ka hruai kual a, Chinese an thiam bawk si lova, pariat lai an ni bawk si, park velah mi Pathianthu hrilh tur kan zawng kual a, an tawng let in ka buai nileng thin a ni ber mai, Indaih loh a na duh hle mai. Zanlamah kan Chinese thiante, Fahrah Chawmna inah hun hlimawm tak kan hmang ho bawk a, thilpek hrang hrang te kan pe a an lawm hle. Zan khat, in ka thleng chu, ka chau ve hle mai..muturin ka inbuatsaih a, ka lehkhabu dahna lam kan en chuan….he lehkhabu hi ka hmu a,” Too Busy Not to Pray ( – slowing down to be with God ) by Bill Haybels. A lehkhabu hming ka hmuh ringawt poh chuan,ka Harh nghal uarh mai a,ti hian a tawi zawng in sawi mai ila…a HNA rim takin kan thawk emaw,a duhzawng thil tha tam tak kan ti emaw ai pawh in,kan Lalpa lawmna chu,Ami tena,a mah nen a INPAWL-na hun kan siam sak hi a ni.Ka in enlet a a, A HNA emaw, ka tawng zirlai emaw thildang reng reng Lalpa aia ka dah hmasa a nih chuan,chumi ah chuan kan Lalpa hi a alawm lo.Keimahni ah hian,”Chanvo Hmasaber” chan a duh si a.Tichuan, ka in enlet a,tawngtai a inhlantharna ka neih lai chuan, Lapa chuan tihian ka thinlung-ah thu rawn sawi in ka hria, ” John,ka ram zauhna tur a tan a i thahnemangaih na leh i buai zia te ka hria..mahse, ka PAWL hman loh tur khawp chuan Buai lutuk suh…..” tih hian.Ni e ti ru..han buai tak tak chuan, tawngtai na hun te chu hmang reng tho mahila, A “AW “ (voice) ngaithla ve hman tur a Hun pek te a har thin . Kan Lalpa ngaihpawimawh ber chu, Amah nen a kan “inzawmna” (relationship) hi a ni si a..!

LUCIFER-a a piangthar ??:

Sawi tawh thin angin,khawpui ( city or urban) a kan rawngbawlna pakhat chu,Saptawng zirtir na hmangin a ni a.Kan English Corner buatsaih ah hian,mi lo kal thar kan neih deuh reng a.Lucifer-a pawh kum tir lam a trang khan a lo kal ve thin a,he LUSIFER a erawh hi chu van atrang a hnawh thlak lo zawk,Chinese tlangval,post-graduate zirlai,a saptawng te improve duh a, English Corner kan tih a lo kal ve thin mai a ni.( Lusifer-a hian saptawng thiam pawh a lo duh ve hle a ni.) Kan inhmuh hmasak ber in,a hming chu mak ka ti deuh hlek a…fiamthu in,” I tirkhoh te nen a mi in lo kal ka ti a.a ngaihna a hre lo hle mai…A zah ka hlauh avangin ka fiam zui ta lem lova.A hming awmzia chu,kan inkawm hnu chuan kan hrilh ve ngial a.A hming chu thlak a duh leh duh lo ka zawt a,a duh lem loh a vang chuan,ka ti lui bik ta lem lova…A hming ka hriat tirh atrang chuan, ka rilruin,”Lusifer engtik niah emaw chuan i la ” piangthar ” dawn khawp…” ka ti rilru a.

English corner kan neih zan apiangin a bulah ka thu ta ziah a.An conversation english improve duh vang a lo kal an nih avangin, topic hrang hrang kan sawi ho thin a. A tawi zawngin…zankhat chu a hming awmzia bawk chu kan sawi chhuak leh ta a. A hming awmzia sawi dawn chuan,bible bak thlawh chhan tur hre hek lo le. Ka pocket chinese bi-bul chu ka la chhuak a,saptawng bi-bul nen chuan kan en kawp a, bi-bul a vawikhat hmuhna a ni.A hming chu Bi-bul a lo awm reng mai chu mak a ti hle a…remchangah hmangin,Mihring te sual a kan tluk dan te, Chhandam ngai kan nih zia te, chu CHHANDAM-na chu Lal Isua ah chauh a awm thu te ka hrilh a….Chu Lal Isua chuan a ni pawh chu a HMANGAIH thu te ka thiam ang tawk chuan ka hrilh chunzawm,a ngawi reng a….nakinah chuan,anih, chu Chhandamna chu engtin nge ka neih ang a ti a….Tichuan,Lucifer a chuan..A mah Hmangaih a,a tan a A Nun hial hlantu tan chuan,a dam chhung a tan a, a hnung ZUI a lo thlang ve ta…Lalpa chu fakin awm mawlh rawh see…! Tichuan, a hming pawh chu,thlak a rem ti ta a.Joseph ( Josefa) ka phuah sak ta.

*** China ah hian,saptawng hming neih hi,a bikin thalai zingah chuan a lar hle a,chutihrual chuan,hming mak tak tak hriat tur erawh a tam hle thung…thiannu Remi of Harbin thian te phei chu,Panasonic-a,Mac Donald-i….etc tih te an ni hlawm a ni awm eee…!!! )

Tawngtaipui na tur te :

1) Kawng engkimah Lalpa ka dah hmasak ber theih nan te,a awm ngheng renga a HNA te ka thawh chhunzawm zel theih nan te.

2) Thingtlanga kan ringthar te,rinna nget leh tlo an neih zel theih nan leh venhimna lam a tan.

3) Ka visa hi Jan thlatir hian a tawp dawn a,renew leh nan hian sum tam tak ka mamawh a,a chhan chu,student visa bawk a nih leh dawn a vangin,visa renew rual hian,visa min pe tu tur,ka tawng zirna University hnenah, semester khat zir man tal ka pek a ngai a ni.Hemi a tan a ka sum mamawh te a hun tak a ka hmuh theih nan te.

Lawmthu :

### Tawmkai lo ber te pawh min hmang duhtu,Lalpa hnenah.

### Sum lam a malminsawmtu Lalpa hmanrua te, Rema & Beiin of Xi’an,Pu.Zohmangaih leh a chhungte,Tv.Maena of Tamil Nadu,Nl.Teteii of Siliguri leh ka chhungte,in chungah leh Pathian chungah lawmthu ka sawi e.Lalpan a let tam tak in malsawm zel che u rawh se.

## Banglova min tawngtaipuitu te hnenah.

( hei hi thlatina ka thawn chhuah thin ka newsletter a ni e…ka blog a ziah tawh te,siamremin kan tar chhuak a ni e)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s